編輯 "HDTV" - HKPCUG Digital HDTV Wiki

What is the color by mixing yellow and blue?

#pragma keywords HDTV, Digital TV, High Definition, 高清廣播, 高清電視, 數碼電視, 數碼廣播, HKPCUG

== HKPCUG 數碼廣播資訊 Wiki ==

歡迎嚟到數碼廣播資訊 Wiki！香港已經喺 2007 年 12 月 31 日夜晚 7 點鐘正式啟動數碼廣播，標誌香港廣播發展，終於趕上數碼化時代里程。本維基設立目的，係針對解釋消費者對數碼廣播可能有嘅種種疑問，協助消費者「順利過渡」香港數碼廣播，事關雖然數碼廣播講就講咗好耐，但一到塵埃落定時，有疑問者依然甚眾；唔少人其實一知半解，甚至連報紙雜誌記者，寫數碼廣播、講高清電視，都寫到亂晒大籠。電訊管理局雖然有唔少文件，但大多比較技術性，數碼廣播網站資料相對亦太少。

呢度希望一來可以畀對睇數碼電視廣播有興趣嘅人一啲有用資料，二來可以解答到一般討論區上嘅月經同日經問題，等發問者知道點可以問得更清晰，協助者亦可以專注解答更專門嘅問題。

本着維基精神，此 Wiki 資訊共享並開放編輯。

== 目錄 ==

* [[新聞及資訊]]
 * [[數碼廣播簡介]]
 * [[數碼廣播_CONCEPT]]
 * [[我部電視，睇唔睇到數碼廣播]]
 * [[接收器注意事項]]
 * [[電視台頻道]]
 * [[用戶接收報告]]

== 常見問題 ==

=== 數碼廣播同高清、16:9有乜關係？ ===

請睇 [[數碼廣播_CONCEPT]]。

=== 我的電視只係一般 CRT 大牛龜電視，係咪冇得睇數碼廣播？ ===
=== 我的電視已經係16:9/FULL HD/50吋 LCD TV/Plasma/其他勁型號，係咪可以唔使加乜盒物盒就睇到數碼廣播？ ===

請睇 [[我部電視，睇唔睇到數碼廣播]]。

=== 有報紙講過標清係 720p，高清係 1080i？ ===

報紙港聞版記者未必識得呢啲嘢，請原諒佢地。

=== 基本版接收器可以睇到所有標清台，升級版就睇埋高清台？ ===

有啲雜誌係咁寫，呢個而家已經唔係事實。

就好似你平時電腦聽歌，有 MP3, AAC 等格式，睇片有 RM, WMV, Xvid, DivX 等格式，而家電視台用緊兩種格式去傳送數碼廣播訊號，原有嘅台用 MPEG2，新嘅台就用 MPEG4 H.264。本來亞視堅持所有台用 MPEG2，如果佢堅持落去，咁的確，基本版解碼器係睇得到亞視嘅有標清頻道，甚至高清頻道，但而家亞記已經決定用埋 H264 作為新台嘅影像傳送格式。由於基本版解碼器只識睇 MPEG2，換言之，基本版只能睇到翡翠明珠本港國際四台。

=== 數碼廣播質素一定靚過而家啲類比訊號？ ===

而家大部份報紙雜誌，讚到數碼廣播好清好靚，其實已經有啲超現實。當然，數碼廣播可以好清好靚，但唔代表一定清同靚。你走去 youtube 睇片，都係數碼影像，睇 DVD，都係數碼影像，證明咗數碼唔一定會好好或者好差。

大氣電波唔係俾電視台霸晒嚟用嘅，數碼廣播有一個好處，就係電視台個頻寬就係得咁多，但佢可以根據需要，減低每個台佔用頻寬，從而提供更多頻道。所以你見到數碼廣碼亞視開台比無記多，就係咁解。但此消彼長，減頻寬，就代表同一時間可傳送資料減少，但你個畫面唔可以縮細，所以減頻寬代表要犧牲畫質。

情況就好似 MP3，你將首歌壓做 64kbps，同壓做 256kbps，前者 FILE 細啲，後者大啲；同一個 100GB HARD DISK 前者可以裝更多歌，但音質就一定係後者好。

而家免費嗰四個台據知每個台會有大槪 5Mbps 傳送，包括聲畫。但如果你本身類比訊號已經收得好好，睇返數碼廣播，可能會覺得類比反而更清，尤其是當畫面急速移動時。

所以，數碼廣播可以冇雪花鬼影係事實，但唔好將數碼廣播神化。當然，一睇高清台就實冇得比，所以亦唔好咁快就抗拒，始終而家都係屬於傳統廣播同數碼廣播嘅過渡期，ANALOG 廣播結束時，數碼廣播就可以有更大發揮空間。

當然，數碼廣播仲有一樣嘢係唔包嘅，就係電視台嘅節目質素。

=== 數碼廣播後唔加機頂盒，冇得睇電視？ ===

呢個係有啲收費電視人員用嚟呃阿婆嘅招數。數碼廣播開始後，類比制式會繼續現有播放模式。暫定直至 2012 年會關閉類比制式，ANALOG 廣播就會成歷史。但呢個係預計，你諗下，如果到時得一成人玩緊數碼，政府夠唔夠膽話閂就閂？而且佢一閂，政府係有責任用直接方法協助市民過渡，甚至要送解碼器畀未有能力購置嘅人，所以 2012 年都係聽住先。

=== 我唔想睇高清，可唔可以用原本部電視睇新台？ ===

如果係講緊用返原本類比制式接收新台，答案係唔得，因為新台只會用數碼方式發送，唔會再用傳統嘅類比制式。

=== 標清台係咪 16:9？ 720x576 點出 16:9？ ===

請參考 [[解像度與顯示比例]]

=== 電視台嘅高清節目係 720p, 1080i 定 1080p？ ===

720p 或 1080i，冇 1080p。

說明欄：

新增至：去掉行尾空白

強調: ''斜體 ''; '''粗體'''; '''''粗斜體 '''''; ''混合 '''粗體''' 斜體 ''; ---- 分隔線.
標題: = 標題 1 =; == 標題 2 ==; === 標題 3 ===; ==== 標題 4 ====; ===== 標題 5 =====.
條列: 空白再加下列符號之一: *、1.、a.、A.、i.、I.； 1.#n 從 n 開始編；只有空白則代表縮排
連結: JoinCapitalizedWords; [[target|linktext]].
表格: || 儲存格內文 |||| 跨兩欄的儲存格 ||; 表格或標題尾端不可有空白

更詳細的說明請參看說明/編輯頁面或語法參考